قصيدة بلا عنوان

حبيبتى ..

لما لا لا نــقـول إننا لم نعد عاشقان ..

لما لا نقول للناس أفترق الحبيبان ..

لما لا نقول وداعاً للحب الذى كان ..

ونترك أحلاماً تلعب مع الصبيان ..

وآمانى جميلة وآغانى وآلحان ..

وقصائد حب بالقبلات والاحضان ..

وقارب عشق على نهر ظمأن ..

وزهوراً زرعناها معاً بهذا البستان ..

ونترك ربوعاً أصبحت بلا عنوان ..

وأصبحت رحلتنا بحر بلا شطئان ..

أنقول قد ضل فينا الراهبان؟ ..

أظن أنه قد آن الآوان ..

لشىء لم يكن فى الحسبان ..

ولم يكن تتقبله الآذهان ..

الوجه وجهك .. والمكان هو المكان

ولكنى لم أعد أشعر معك بالآمان ..

شيئاً تحطم بيننا ...

لا أنتِ أنتِ ... ولا الزمان هو الزمان

شفيقة ومتولى ..... صلاح جاهين

قال الراوى يا سادة يا كرام :-

متولى سحبوه مكتف بالحبال يارجــال

من قلب داره على حر الجبال يا رجـال

فى يوم تمانية أربعة والقمح لسة أخضر

الغـز جم على البلد يا دى النهار الاغــبر

أختـه شفيقـــة تقـــول أهرب يا متـولــى

يقول ده مش فعل من شيم الرجال ومحال

* * *

سابــها وحيدة تلقط رزقهــــا بالكـــــــاد

حبايـة حبايـة من قلب الشقـوق يا ولاد

تنازعها فيهم فيران الأرض و العصافير

وتشق سكتــها فى الدنيــادى بالأضافير

وهمــها كبير وحالــها يفتت الأكبــــــاد

* * *

بركة اللى فيه لسة نار فى الدار يا غلبانه

يا وردة مايلــة فى وش الصهد دبلانــــه

الحبـة الغلــة تخـبزهم يــادوب رغيفــين

لجـدها رغيف وليها رغيف يا ننى العين

والصبر طيب صحيح .. لكن تجيبه منين

آدى ألله وادى حكمته و الكفر بيهم عيب

ودا علم غيب وانكتب ولا هيه دريانـــه

* * *

أنا أخت متولـى كله يخلى هـنا بالـــــه

نظراته فى عينيا رايحة وجاية وخياله

كأنه لسه لا غاب ولا جرجروه الغـــــز

وجاية سوق التلات لجلــن أبيـع الــوز

لجلـن أبيع واشترى بمهابته وبمالــــه

وكل شئ زى ما هو لسه على حالــــــه

لأ يا شفيقــة الحقيقـــة مش كـده فوقـى

دياب آهه جاى متـلفع بتـوب العـــــــــز

ســــــوق المهـابـــــه جـــــــــــــبـــــر

اكفــى ماجــــــــور ع الخــــــــــــــبـــــر

و الجرح مهما صبر حيـيجى يوم وينــز

وكلــــــــــــــــــــــه بيـــــولــــــــــــــــى

فينــــــــــــــــــك يا متــــولـــــــــــــــى

متولى لما شافوه ولقوه عيونه ســــلام

فرزوه مجند وهوه كأنه طيف فى منام

عقله فى بلدهم وداره وجده وشفيقــــه

ويقول ترى وهل ترى ويجيب ورا وقدام

* * *

العسكريه شــرف يستعـظمــه الشجعـــان

وفلاحين مصر عسكر مشهورين جدعان

متولــــــــــى منهم و أحسنهم و أرجلهم

فى الظبـــط و الربط رغم الهم والأحزان

* * *

عملوا طابور ضرب نار قدام كومندانه

وحصل مسابقه ما بين متولى و أخوانه

أسرع نفر هوه يملا البندقيـــة بـــــارود

ونشانجى يغلب جيوش الأفرنج بنشانه

* * *

قال الكومندان : عفارم النفر ده منيـــن

قالوا له : من جرجا قال جرجا دى والله زين

وقام نادهله وعاطيه فى التو أومباشــــى

وشبك على دراعه قدام الجميع شريطين

* * *

أومباشى متولى جرجاوى وقف ددبان

على خلق تحفر وخلق تعبى بالغلقان

الوفات و الوفات كمثل النمل شغاله

بيشقوا بحر الكنال و الشمس قياله

بيشقوا بحر الكنال و الشمس تلفحهم

ما يرتاحوش إلا لما الموت يريحهم

أو النفر م العطش يحصل فى عقله جنان

* * *

أضرب ولد .. قال له لأ متولى ..ماضربشى

الشاب داخ م التعب .. الشاب ماهربشى

سحب الأفندى الطبنجة وطخ فى المليان

مات الجدع واستريح بس كان عطشان

{ عطشان ياظالم يموت فى بلاده بلديا }

متولى قالها بغضب وهجم بوحشيه

ناسى بأنه كمان ع السخره كان ددبان

* * *

آدى جزاة اللى ينسى مركزه ونمرود

ولكل واحد مقام ولكل حى حدود

متولى عصيان لابد تفوقه القمشه

لاسيما الجلد ميرى والحكيم موجود

وربنا موجود واحنا عليكو شهود

وكل جلده على ضهرك يا متولى

ترسم قناة السويس أم الجراير سود

* * *

نزل الوباء ع الكنال ... الغز قالوا: آمان

وهمه أكبر وباء صابك يادى الأوطان

متولى هوه وحسن شافوا الحكيم غضبان

جوله فى عز الليل

والشوطة ويلها ويل

ولما فاض به الكيل

قالوا له خد دول ويمكن تنقلب فرحان

راحوا الكرانتينه ..دخلوا ودمعهم مخنوق

قال الحكيم : مصر زى المنصابين دوله

اكتر كتير م الدوا وحتى الدوا مسروق

سخره ومجاعه ووباء..طول عمرها تعانى

وكل حاكم غريب يحدفها للتانى

والدنيا مستغربه على مصر عايشه ازاى

لحد دلوقتى لما الغلب أصلانى

* * *

وادى الدوا ما روى ولا نص عشر الناس

وادى نفر م الغلابه بيلفظ الأنفاس

وادى تلاته شباب عاجزين أمام الموت

وادى رحايه القضا دايره بلا إحساس

* * *

شفيقة شافت بعينها يا قبح ما شافت

دياب حبيب قلبهااللى عليه لافت

قادر يبيع جتته بالقرش مش خجلان

غضبت ...وبعدين أصابها نوع من التوهان

نوع من الخوف وهيه ماعمرهاش خافت

ونوع من الشؤم جاى يرمح كما الرهوان

* * *

قال الراوى يا سادة يا كرام :-

شفيقة وصلت مع الطرابيشى بيه لندن

مبعوث من الغز يرشى الخلق فى لندن

ويسد حلق الصحافة ومسئولين لندن

وشفيقة مبهورة بالبهرج تبع لندن

بعتر دهب ع اللى بيسوى و اللى ما بيسواش

وخد عليهم عهود حلفوا له ما يخونوهاش

سيرة تجارة العبيد والسخرة ما يجيبوهاش

والدفع كان كاش على قولة ولاد لندن

* * *

وعدى بيها وفسحها فى مدينة النور

وشفيقة هايمه فى حب باريس مدينة النور

وجاب لها من هناك فساتين كتير تهوس

لحد ما أصبحت كتلة فرح و سرور

* * *

رجعت على سيوط وجايبة هدايا أغلى طراز

وراحت على البيت أبو تراسينا حلوة قزاز

* * *

سمعت بأستغراب ..من فتحة فى الباب

لقيت البيه طرابيشى ..زيه زى دياب

* * *

رجعت شفيقة البلد مقهوره يا ولداه

سألت على جدها قالوا الدوام لله

راحت تزور تربته وأبو زيد يواسيها

ويقول لها الماضى يا بنت الأصول ننساه

تقول له : شهم وأمير يا ابوزيد لكن هيهات

أنا ما أنفعكش النهارده يا كريم الذات

انا واحده ظنيت بأن القيمة هيه المال

وبأن من عنده مال له قيمه وأبن حلال

ذنب وجنيته وخدت جزاه ندم ودموع

وعار ما يمحيهشى غير دمى على العتبات

* * *

آدى طريق دارها وادى الحيطة وادى الباب

وادى البلد م الوباء والسخرة شبه خراب

تقول هنادى : تع نرجع ..تقوللها : لأ

حاستنى متولى ييجى, أصل بينا حساب

* * *

متولى يرمح وعقله من الغضب طايح

النار ولا العار ولا أستهتار وفضايح

قعد فى أسيوط على القهوه وسأل عنها

قالوا له : راحت بلدها دوغرى قام رايح

* * *

متولى شال جتة المقتولة بين دراعيه

ضربوها قدام عينيه بالنار ما يعرف ليه

وناس يقولوا دا هوه طعنها بالخنجر

بس احنا شفناه رماه وشفيقة جايه عليه

سوا كده أو كده شالها فى أحضانه

ودموعه تجرى كبحر النيل وفيضانه

يبكى عليها وعليه وعلى بنات الناس

و اللى تبيع عرضها فى القحط و زمانه

* * *

القصد لما بلد تنعرض للبيع بجملتها

تنباع رعيتها قطاعى و بالملاليم

صلاح جاهين

Tweet 

 

Follow @m_embaby

 

الأبنودى : ملعون أبوها الحمامة أم غصن زتون

الصخر لو ينفجر .. النبع ايه ذنبه؟؟
سباق فى ساحة.. ما بين انسان و بين قلبه
مادام لموت احمل السيف اللى بتحبه
و اذا اندفعت اندفع و اذا ان وقعت تسد
طول عمر وطنك بيحلم تبتدى حربه
وجّى يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زيتون
معمولة لجل الضحايا يصدقوا الجلاد
يا ايد يا متكتفه
يا ضهر يا منجلد
يا طفل مين  ورثك الاحتمال و الجلد؟
يا طفل بهموم رجال
يا بنت قبل الولد
يا ارض تطرح حصى .. يا قلوب بتطرح عند
مين اللى قال الكلاب تسكن عرين الاسد
طلع مش مهم السلاح
طلع يغنى عنه الحجر
طلع مش عويص الكفاح مادام فيه ارادة و بشر
طلع مش بعيد الصباح و مستنى خلف الشجر
و منين اجيب ناس لمعناه الكلام يتلوه؟
اذا كنت باجى اقوله .. نص عقلى يتوه؟
فمنين اجيب ناس لمعناه الكلام يتلوه؟
الكلام مش مستجيب
والصمت عار
والمسافة بعيدة بين الفعل و القول البليد
لكن نحااول
لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف! وصف جيد .. وصف خايب ..
وصف صادق .. وصف كاذب .. فى النهاية كله وصف !
كل شعر الوصف .. مايساويش فى سوق الحق صرخة
الكلام عن كل ده شئ م التطاول
انما .. لازم نحاول
القصيدة مشكلتها فى التناول
مشكلتها فى البداية و النهاية
مضامينها و شكلها و عديد من المسائل
القصيدة قصيدة .. بس الفعل فعل
هل نكف عن المحاولة؟ او نحاول؟
لو سكتنا .. يقولوا : ضاعوا !!
لو وقفنا .. يقولوا: باعوا !!
و اذا قلنا .. يقولوا فين الكلمة من رمية حجر ؟؟
صرخة قتيل ؟؟
ثورة الاطفال تخلى الشعر لو كان عبقرى .. وزنه قليل !!
يا رفاقة .. شعرنا ماهوش بخيل
اعذروا الشعراء اذا خرسوا النهاردة .. و اعذروا الكلمة اذا احتارت و دارت
النهاردة الغنوة للأفعال
و اعذروا العواجيز اذا صمتوا النهاردة .. و استكانوا للرقاد ف الصمت مدة
النهاردة الصرخة للاطقال
الكلام … مايشيلش جثة
الكلام … مافيهش دم
الكلام … مافيهوش هجوم ولا تراجع
الكلام .. مالوش لجان … الكلام ماهوش محاصر بالمدافع
لا دكاكينه بتقفل .. ولا تتسمم غيطانه
ولا قاطعين عنه نوره أو مياهه ..
ولا ممنوع م العمل  .. ولا مشلول بالحصار الاقتصادى
ولا بالغاز المسيل للدموع
ولا بيعانى عطش و يعانى جوع .. زى اصغر طفل ف الوطن المقاتل
نسكتوا ولا نحاول ؟؟
لأ نحـــــــاول
حبيبتى كل ما بنسى تفكرنى الحاجات بيكى
ائنك تدمعك عينى كأنى مش هغنيكى
دمايا متستهلش تكون كحلة ليله لعينيكى
و انا الدرويش ..
انا السابح بمسبحتى .. ومبخرتى .. و توب الخيش
اغنى لك .. و امول لك مواويلك .. ماتسمعنيش ولا تشوفينيش
ومش لازم مادام عايشة .. مادمت بعيش
وياما بيكى عقلى اتجن
وانتى الأنّ .. انتى الظن و أنتى قلمى لحظة فن
يا غنيوتى .. انا احزن اغانيكى
و انت الحلم .. اااه من حلم .. لا نسينى ولا نسيكى ..
يبيعوا اللون .. يغشوا الدم
يهدوا الكون
يشيلوا الكيف .. فى عب الكم
انا انفاسك الخضرا
وانا الجرح اللى فى جبينك
انا الخنجر فى شريانك .. و انا اللقمة فى ايد طفلك
انا قبرك و اكفانك .. وانا الشمعايا فى حفلك
انا الجاهل لكن باقرا .. و بفهم غاية النظرة
انا دارك وانا اهلك .. و انا وردك و انا نسلك
انا رغيفك و فرانه .. وحطب النار
وزيتونك و زتانه .. انا القاطف و انا العصار
و اسلامك و قرأنه .. و قلبى منشد الاذكار
انا العابد .. انا الزاهد ..
انا اللى يحب مايلومنيش
انا العاشق .. انا الدرويش
صلاة الثورة ماتفتنيش
ودم شهيدى و ضانى بماء تانى ..
بماء من نبع نورانى ..
فى قلبى مافيش فى اسرارى و لا حكاياتى – الا انتى
يا خيط النور .. يا كوة فى سور .. يا نور منظور .. يا خير محظور
انا الايد اللى مانعانى
انا الاًسر و انا المأسور
انا الغايب .. انا الدايب –صبابة- و الجناح مكسور
و انا التايب عن الماء الحرام و العيش
انا الدرويش .. ابو الدراويش
جناحات قلبى من غير ريش
انا الماشى و انتى الفكر .. انا المجنون فى قلب الذكر
و محتكر المحبة البكر ..
سكنتى ازاى كده فى عيشى؟
و نخششتى فى نخاشيشى؟
كأنك فيا مولوده و موجودة .. و مفقود حب مفقودة
و اغانيكى انا هية  .. على صدرى غيطان زعتر و “ميرامية”
ميرامية على صدرى
و يوم ما اموت .. تحشها و ترميها على قبرى
انا المنقوش فى كفينك .. يا موشومة على صدرى
يا كبشة عطر ريحانى .. يا صوت دمى اذا يسرى
ولا يفصلنا يوم فاصل و ده الحاصل .. فماتلومينيش
ده انا الدرويش .. انا المقتول ..  انا المهبول .. انا اللى بادروش الدراويش
بفرق جرحى ع الثوار .. و اكفن ميتى .. بنوار
وفى صفوفك تلاقينى افرق عيش
ماتحرقشى عبايتى النار ولا اللحية
و من حارة الى حارة .. و من شارع الى شارع .. و من ناحية الى ناحية
يقابلنى العدو برصاص
اقوم نافضه من الجبة الرصاص و ارميه كأنه قش
قلوب الاوليا نيتها لا تتغش
انا الدرويش .. ماينقصنيش فدا و اخلاص
والرجعه ماتنفعنيش
صورتها تطل م الطاقة ..
عيوتها السودا عشاقة  .. و مشتاقة  ..
و انا الدرويش بانزف دم  .. وسع لى الطريق يا عم
و ماشى بجرحى مش مهتم
يا عرسى يا انتفا موتى  .. حبيبتى ساكنة فى صوتى
وماسك ايدها فى السكة .. تسابق خطوتى ضحكة
و لون الدم فى صدرى ماسكتنيش
و خلانى اعيش و اعيش
اعيش درويش يا درويشة
يا درويشة و اموت درويش .. اعيش درويش
و امشى ادروش الدراويش
واغنى ادروش الدراويش
و اموت بادروش الدراويش
حبيبتى تعيش  .. حبيبتى تعيش  .. حبيبتى تعيش

أمل دنقل ... شجوية "صوت الكمان"

 
لماذا يُتابِعُني أينما سِرتُ صوتُ الكَمان ؟
أسافرُ في القَاطراتِ العتيقه
(كي أتحدَّث للغُرباء المُسِنين)
أرفعُ صوتي ليطغي على ضجَّةِ العَجلاتِ
وأغفو على نَبَضاتِ القِطارِ الحديديَّةِ القلبِ
(تهدُرُ مثل الطَّواحين)
لكنها بغتة..
تَتباعدُ شيئاً فشيئا..
ويصحو نِداءُ الكَمان!

***

أسيرُ مع الناسِ, في المَهرجانات
أُُصغى لبوقِ الجُنودِ النُّحاسيّ..
يملأُُ حَلقي غُبارُ النشيدِ الحماسيّ..
لكنّني فَجأةً.. لا أرى!
تَتَلاشى الصُفوفُ أمامي!
وينسرِبُ الصَّوتُ مُبْتعِدا..
ورويداً.. رويداً

يعودُ الى القلبِ صوتُ الكَمانْ!

***

لماذا إذا ما تهيَّأت للنوم.. يأتي الكَمان ؟؟
فأصغي له.. آتياً من مَكانٍ بعيد..
فتصمتُ: هَمْهمة الريحُ خلفَ الشَّبابيك
نبضُ الوِسادةِ في أُذني,
تَتراجعُ دقاتُ قَلْبي,..
وأرحلُ.. في مُدنٍ لم أزُرها!
شوارعُها: فِضّةٌ!
وبناياتها: من خُيوطِ الأَشعَّةِ..
ألقى التي واعَدَتني على ضَفةِ النهرِ.. واقفةً!
وعلى كتفيها يحط اليمامُ الغريبُ
ومن راحتيها يغط الحنانْ!
أُحبُّكِ,
صارَ الكمانُ.. كعوبَ بنادقْ!
وصارَ يمامُ الحدائقْ.
قنابلَ تَسقطُ في كلِّ آنْ
وغَابَ الكَمانْ!

وغَابَ الكَمانْ!

القربان ............ أهداء إلى روح الشهيد مينا دانيال

هيّا.. تقدّمْ أنتَ وَحْدَكَ

حولكَ الكُهّانُ ينتظرون أمرَ الله

فاصعَدْ أيُّها القربانُ نحو المذبحِ الحجري 

يا كبشَ الفداء – فدائنا… واصعَدْ قويّا

لَكَ حُبُّنا، وغناؤنا المبحوحُ في الصحراء  

هاتِ الماءَ من غبش السراب

وأيقظ الموتى ! ففي دمكَ الجوابُ

ونحن لم نقتلْكَ… لم نقْتُلْ نبيّا

إلا لنمتحن القيامة، فامتحنا أنتَ

في هذا الهباءِ المعدني

 ومت لنعرفَ كم نُحبك.. كم نُحبك  

مُت لنعرفَ كيف يسقطُ قلبُكَ الملآن

فوق دعائنا رُطباَ جنيّا 

لكَ صورةُ المعنى. فلا ترجع إلى أعضاء جسمك 

واترك اسمكَ في الصدى صفة لشيء ما

وكُن أيقونةَ للحائرين ، وزينةً للساهرين

وكُنْ شهيداً شاهداً طلق المُحيّا

فبأيّ آلاء نكذّب؟ من يُطَهّرُنا سواك؟

 ومن يحررنا سواك؟ وقد ولُدتَ نيابة عنا هناك

ولُدْت من نور ومن نار

وكنا نحن نجّارين مَوْهوبينَ في صُنْع الصليبِ

 فَخُذْ صليبَكَ وارتفعْ فوق الثُريّا

هيّا، تقدّمْ أنت وَحدَك

يا استعارتَنا الوحيدة فوق هاوية الغنائييّن 

نحن الفارغين النائمين على ظهور الخيل.. نسألكَ الوفاء 

فكُنْ وفيّاً للسلالة والرسالة

كُنْ وفيّا للأساطير الجميلة، كُن وفيّا‍‍!  

وبأي آلاء نكذّب؟ والكواكبُ في يديك  

فكن إشارتنا الأخيرة

كُنْ عبارتنا الأخيرةَ في حُطام الأبجدية

"لم نزَلْ نحيا، ولَوْ موتى" 

على دَمكَ اتكلنا دلّنا

وأضئ لنا دَمَك الزكيَا‍!


لم يعتذر أحدٌ لجرحِك

كُلُّنا قُلْنا لروما "لم نكن مَعَهُ"

وأسْلمناك للجلاّد
فاصفح عن خيانتنا الصغيرة

يا أخانا في الرضاعة، لم نكن ندري بما يجري 

فكُنْ سمحاً رضيّا.

سنُصدّقُ الرؤيا ونؤمنُ بالزواجِ الفذّ
بين الروح والجسدَ المقدّس

كلّ ورد الأرض لا يكفي لعرشك

حفّت الأرض استدارتْ، ثم طارتْ

كالحمامة في سمائكَ يا ذبيحتنا الأنيقة

فاحترقْ، لتضيئنا، ولتنبثقْ نجماً قصياً

أعلى وأعلى. لَسْتَ منا إن نزلتَ
وقُلتَ: "لي جَسدٌ يُعذّبني على خشب الصليب" 

فإن نَطقتَ أفقْتَ، وانكشفَتْ حقيقتُنا، فكُنْ حُلُماً لنحلم

لا تكنْ بشراً ولا شجراً، وكُنْ لُغزاً عصيّا

وليحتفلْ بكَ كُلُ ما يَخْضرُّ

مِنْ شجر وَمِنْ حَجَر

ومن أشياء تنساها الفراشة فوق قارعة الزمان قصيدةً…
وليحتفلْ بكَ كُلُّ مَنْ لم يمتلكْ ذكرى،
ولا قمراً بهيّا

لا تنكسرْ! لا تنتصرْ، كُنْ بَينَ بيْنَ معلقاً

فإذا انكسَرْتَ كُسَرْتَناَ، وإذا انتصَرْتَ كَسَرْتَنا

وَهَدَمْتَ هَيكلنا، إذًا، كن مَيّتاً – حيّاً – وحيّا – ميتا

ليواصِلَ الكُهّانُ مهنتهُمْ، وكُنْ طيفاً خَفيّا

ولتْبقَ وَحْدَك عالياً

لا يلمسُ الزّمنُ الثقيلُ مجالكَ الحيويَّ

فاصعَدْ ما استطعتَ، فأنت أجمَلُنا شهيداً

كن بعيداً ما استطعْتَ لكي نرى في الوحي ظلكَ أرْجوانيَّ الخريطة،
فالسلامُ عليك يَوْمَ وُلِدْتُ في بلد السلام
ويَوْمَ مُتَّ، ويَومَ تُبعثُ من ظلام الموت حيّاً


 ...............................................................

Tweet



Follow @m_embaby

الكلاب ..... عبد الرحمن الابنودى

الكلاب.. تسكت.. وتنبح

الكلاب.. تقفل.. وتفتح

الكلاب.. تمنع.. وتسمح

والكلاب.. تخسر.. وتربح

***

نبحها في الليل غريب

صمتها دايما مريب

عالبيبان واقفه مناوبه

دشمه لا تشبع متاوبه

***

لو أكلت اللقمة تنبح

لو رميت اللقمة تنبح

لما تتاوب مابتداريش نيابها

لما نسكت تبقى هادية

لما نتكلم تعبر

!!- فى وضوح - عن اكتئابها

علمتنا لاكتئاب..

الكلاب

***

طالعه نازله كالمكوك

بس يزعجها ادان الفجر وصياح الديوك

عارفه سكه المناطق الجديده

والحوانيت والاوتيلات الجديده

تشرب القهوه وهي قاعده بتفلي الجريده

تعرف العمله اذا قلقانه ولا مطمئنه

متقابلهاش الا ع باب النوادي والبنوك

في الصور تظهر وتوضح كل مشبعنا غياب

الكلاب

***

لما بتعدِّى... نوسّع

لو نناقشها تسرسع

!!الكلاب تنبح ولكن مش بتسمع

أى كلمة لو نقولها

تتنفض.. ترفع ديولها

قد ما تضيق الحياة قدام عيوننا

قد ما قدامها توسع

 الكلاب 

***

لما بتشوفنا تبصبص

فى الحوانيت الرخيصة تحتقونا

لما نسأل ع اللى أرخص

عارفة أحوال الجميع

من غير سؤال

من غير ما تفحص

ليها نظرة لا تَخيب

نبحها دايما غريب

صمتها قاسى مريب

كل ما اتناصحنا بنلاقيها أنصح

كل ما نسكت نلاقى سكوتها أفصح

فى العراك تعرف تحارب

فى البُرص تعرف تضارب

تشرب فى الأسواق بتتمايل

..وتغلب أى شارب

قاعدة على أعلى المكاتب

نايمة على أغلى المراتب

دخلها عمره ما ينقص

لو نجحْت تقف فى ريحك

لو تموت عارفة ضريحك

لو وقفت لها تزيحك

الله غالب

الله واخد الله جايب

واللى جاى هوهّ اللى انْقَح

..موتوا حلم الأحبة والصحاب

الكلاب

***

لو تعضك إوعى تحدفها بطوبة

!!القوانين للعقوبة

والكلاب أم الخصوبة

ليها أطفال عُمى بكرة يفتّحوا

وينبحوا

من غير صعوبة

يخرجوا طوفان على قلب المدينة

إللى مالهاش حاجة فينا

.يخرجوا طوفان يحِرُّوا برد طوبة

واحنا ما فى اليد حاجة

سُذَجا.. آخر سذاجة

ماكتشفناش انها نباح وعض

.كان بقى لنا قصور ومال ياما وأرض

بس لو كان علمونا كُرْه بعض

كان زماننا بننجحوا

كان زماننا بنسكتوا وبننبحوا

وبنقفلوا.. وبنفتحوا

 زى الكلاب

Tweet

Follow @m_embaby

وقف الشريط في وضع ثابت ... خلي المكنجي يرجع المشهد

Tweet

وقف الشريط في وضع ثابت
دلوقتي نقدر نفحص المنظر
مافيش و لا تفصيلة غابت
وكل شي بيقول وبيعبر
من غير كلام ولاصوت
أول ما ضغط الموت
على الزر في الملكوت
بخفة و بجبروت
في يوم أغبر
وقف الشريط في وضع ثابت
دالوقتي نقدر نفحص الصورة
انظر تلاقي الراية منشورة
متمزعة لكن مازالت فوق
بتصارع الريح اللي مسعورة
انظر تلاقي البلاد
أجيال ورى اجيال
رافعاها بإستبسال
ونزيف دمى سيال على الجبهة
وفي عنفوان النضال
وقف الشريط في وضع ثابت
خلي المكنجي يرجع المشهد
عايز اشوف نفسي زمان وانا شب
داخل في رهج الثورة وانا غضبان
مش عجبني جن او انسان
قالي المكنجي رجوع ما فيش
عيش طول ما فيك انفاس تعيش
بص شوف ركن الشباب في الف مليون شب
ومش عجبهم لا وصي ولا اب انظر إليهم و انت تتذكر
ليه ضربة صابت وضربة خابت
وضربة وقفت بالشريط في وضع ثابت
انظر وشوف عالمهل بالرّاحة
الشمس وسط القبة قدّاحة
والقدس واقعة و الحرم منداس
صوت الجرس والاذان على قلبها حرّاس
وآدي بطلها هل في الساحة
قلب الحجر في الأيد بيغلي حماس
قال المكانجي بنوم ولا مكلوم
قال المكانجي والشريط شغال
مالكش تسأل سؤال
انظر و شوف الحق لما إنهان
انظر و شوف الآن
بكرى بقى إمبارح في حضن زمان
وبعد بكرة فوق همومك فان
مافيش شريط مأجور و لا خوّان
ولا شريط له زمان

ومازال عطرك

وان صرت ليلا كئيب الظلال

فمازلت اعشق ،،،

فيك النهار ،،

وان مزقتنى رياح الجحود ،،

فمازال عطرك

عندى المزار ،،

ادور بقلبى على كل بيت ،،

ويرفض قلبى

جميع الديار ،،،،

فلا الشط لملم

جُرح الليالى ،،

ولا القلب هام

بسحر البحار ،،،

فمازل يعشق ،،،

فيك النهار ،،،،

...................................................... فاروق جويدة

أنا تريزياس

أنا تريزياس

رجل عجوز بضلعين متغاضنين

رأيت المشهد وتنبأت بالبقية

أنا الذي جلست قرب طيبة بظل جدار

ومشيت بين الأدنى من الاموات

حيث يهجع السماكون في الظهيرة

على ما تراني أحتج

أنا لا أقدر أن اربط أي شيء بأي شيء

قومي أناس ساكنون

لا يتوقعون أى شيء

سوى ان مشعلي الحرائق جاهزون

يجهزون لنا جحيمنا المستعر

" أكون أو لا أكون

هذا هو السؤال

أكون أو لا أكون

هذا هو السؤال "

أنا تريزياس

رغم العمى لكني أختفق بين حياتين

أقدر أن أرى في ساعة الشفق هذه

فأتنبأ بالشر الغاسق إذا غشم

أنا تريزياس

رجل عجوز بضلعين متغاضنين

رأيت المشهد وتنبأت بالبقية

أنا الذي جلست قرب طيبة في ظل جدار

ومشيت بين الادنى من الأموات

على ما تراني أحتج

أنا لا أقدر أن أربط أي شيء بأي شيء

قومي اناس ساكنون

لا يتوقعون شيء

سوى أن مشعلي الحرائق جاهزون

يجهزون لنا جحيمنا المستعر